Steinaldergrend i Volsvika

I Volsvika har det truleg budd folk i over 8000 år. Professor Arne B. Johansen ved Universitetet i Trondheim fortel at ein ved utgravingar i 1969 fann klare teikn på at området kan ha vore busett såpass lenge.

Busettinga strekkjer seg såleis heilt attende til midten av eldre steinalder. Det er gjort fleire funn frå yngre delar av steinalderen, og nokre av desse finst i Petter Dyrkorn - samlinga på Otterlei skule. Mellom anna er det funne ei såkalla skubbekvern for maling av korn og mange ulike reiskapstypar av flint og bergart.

I yngre steinalder og vidare opp gjennom bronsealderen har det vore jordbruk i området. Utgravingar på 1980-talet viser spor etter bruk av ard (treplog utan veltefjøl).

Harald Dyrkorn 2100 Skarnes ©
mob.tlf.: 47347859